Teitur Magnússon - tónleikar

Teitur Magnússon hefur átt góðu gengi að fagna að undanförnu, átt mörg lög á vinsældarlistum og endar hringferð sína um landið á Blómstrandi dögum. Eftir að hafa gefið út reggíbræðing með Ojba Rasta forðum daga vakti Teitur fyrst athygli undir eigin nafni árið 2014 með sólóplötunni 27. Platan innihélt skynvillu-skotið dægurlagapopp og var fylgt eftir með plötunni Orna árið 2018 við góðan orðstír. Árið 2021 gaf hann út plötuna 33 og hlaut hún þrjár tilnefningar og ein verðlaun á Íslensku tónlistarverðlaununum.