Eldri borgarar
Eldri borgarar með lögheimili í sveitarfélaginu eru velkomnir í mat í mötuneyti Kerhólsskóla, gjald fyrir hverja máltíð er 450 kr. Þeir sem vilja nýta sér hádegisverðinn þurfa að láta skrifstofu sveitarfélagsins vita fyrir fyrsta skiptið þannig að hægt sé að skrá fólk í rafrænt kerfi sem notast er við. Eftir það þarf einungis að skrá kennitölu í spjaldtölvu sem er á gangi á milli skóla og félagsheimilis. Í lok hvers mánaðar er sendur rafrænn reikningur. Hádegisverður hefst klukkan 11:30 og er í boði alla virka daga.
Jafnframt er opið sérstaklega fyrir eldri borgara sveitarfélagsins í íþróttamiðstöðinni og er tilvalið að nýta sér aðstöðuna í þar samhliða því að mæta í mat.
Eldri borgarar reyna að hittast mánaðarlega, ýmist í gönguferðum eða yfir kaffibolla og er hvert skipti auglýst sérstaklega í Hvatarblaðinu (sem er nú rafrænt á heimasíðunni) og á samfélagsmiðlum.
Þórfríður Soffía Haraldsdóttir heldur út styrktaræfingum 2x í viku í íþróttamiðstöðinni á Borg. Æfingar henta flestum en aðallega þeim sem eru með slitgit á byrjunarstigi eða langt til komna slitgigt. Frekari upplýsingar um námskeiðið má finna hér.
Félag 60 + í Grímsnes- og Grafningshreppi
Félag 60+ í Grímsnes- og Grafningshreppi var stofnað 18.febrúar 2025 og finna má upplýsingar um starfsemi á Facebook síðu félagsins hér
Heilsubótarganga 60+ á miðvikudögum
Heilsubótarganga er stuttur 40-60min göngutúr sem opin er öllum sem vilja hreyfa sig, njóta samveru og útivistar í góðum félagsskap. Mæting er við tjaldvæðið (grenndarstöðina á Borg) kl 10:30 á hverjum miðvikudegi. Umsjónarmaður göngunnar er Óttar Guðlaugsson - Heilsu- og tómstundarfulltrúi. Fyrir nánari upplýsinga má senda á ottar@gogg.is
Einu sinni á ári býður sveitarfélagið Grímsnes- og Grafningshreppur eldri borgurum, 67 ára og eldri sem eiga lögheimili í sveitarfélaginu að eiga notalega dvöl á ákveðnu hóteli ásamt skemmtidagskrá.
Grímsnes- og Grafningshreppur veitir eldri borgurum 67 ára og eldri styrk til að stunda íþrótta-, æskulýðs- og menningarstarf. Meginreglan skal vera sú að skipulagt tómstundastarf nái yfir 6 vikur samfellt. Hægt er að ráðstafa styrk til greiðslu styttri námskeiða, enda uppfylli námskeiðið önnur skilyrði um styrkhæfi.
Sjá nánar hér.
Eldri borgarar, 67 ára eldri með lögheimili í sveitarfélaginu geta notað alla aðstöðu í Íþróttamiðstöðinni Borg án endurgjalds. Í íþróttamiðstöðinni Borg má finna sundlaug, heita potta, gufubað, líkamsræktaraðstöðu og íþróttasal með öllum helstu tækjum og tólum til að stunda hinar ýmsu íþróttir.
Sjá nánar hér