Grímsnes- og Grafningshreppur

Ljósafossstöð er elsta aflstöðin í Soginu, en rekstur hennar hófst árið 1937. Þá voru settar upp tvær vélasamstæður, samtals með 8,8 MW afli. Þriðja vélin bættist við árið 1944 og er hún 6,5 MW. Við gangsetningu stöðvarinnar var framboð rafmagns á höfuðborgarsvæðinu fjórfaldað. (https://www.landsvirkjun.is/)

Nesjavallavirkjun sem staðsett er norðan við Hengilinn framleiðir heitt vatn og rafmagn. Hún getur framleitt allt að 300 MW í varmaorku sem eru um 1.640 l/sek af heitu vatni og allt að 120 MW af rafmagni. (www.on.is)

Það er gefið út blað í sveitarfélaginu sem heitir Hvatarblaðið. Blaðið kemur út mánaðarlega og liggur frammi í Íþróttamiðstöðinni Borg og skrifstofu sveitarfélagsins. Einnig er hægt að skoða það á heimasíðu sveitarfélagsins.
Það er frítt að auglýsa í Hvatarblaðinu og skila þarf inn efni fyrir 28. hvers mánaðar á linda@gogg.is

Sogið er 19 kílómetra löng lindá sem fellur úr Þingvallavatni. Það er vatnsmesta lindá landsins með meðalrennsli upp á 110 m³/s. Mikil lax- og silungagengd er í ánni. Fyrsta Sogsbrúin var vígð 9. september 1905.