Félagsþjónustan í Laugarási óskar eftir félagsráðgjafa

Félagsráðgjafi óskast til starfa hjá Félagsþjónustunni í Laugarási. Um er að ræða 100% starf sem er laust nú þegar. Starfið býður uppá tækifæri til þátttöku í faglegu þróunarstarfi auk þess sem áhersla er lögð á möguleika starfsfólks til að styrkja sig faglega á þessum vettvangi.

Félagsþjónustan er rekin í samstarfi fimm sveitarfélaga í Árnessýslu en þau eru Bláskógabyggð, Flóahreppur, Grímsnes- og Grafningshreppur, Hrunamannahreppur og Skeiða- og Gnúpverjahreppur. Samstarf er á milli þessara sveitarfélaga auk Hveragerðisbæjar og sveitarfélagsins Ölfus um rekstur Skóla- og velferðarþjónustu Árnesþings og er Félagsþjónustan í Laugarási faglegur hluti þeirrar starfsemi. Einn forstöðumaður er yfir faglegu starfi og ráðgjöf Skóla- og velferðarþjónustunnar og félagsþjónustu á svæðinu. Sameiginleg skólaþjónustu- og velferðarnefnd starfar á svæðinu.  

Helstu verkefni og ábyrgð:

• Félagsleg ráðgjöf og fjárhagsaðstoð
• Greining og meðferð barnaverndarmála
• Þjónusta og ráðgjöf í málefnum aldraðra og málefnum fatlaðs fólks
• Þátttaka í þverfaglegri teymisvinnu
• Önnur verkefni sem falla undir lög um félagsþjónustu sveitarfélaga

 Menntunar og hæfniskröfur:

• Starfsréttindi sem félagsráðgjafi
• Reynsla af verkefnum á sviði félagsþjónustu og barnaverndar er æskileg
• Lipurð í mannlegum samskiptum
• Frumkvæði og sveigjanleiki í starfi
• Áreiðanleiki og sjálfstæði í vinnubrögðum

 Nánari upplýsingar um starfið veitir Ragnheiður Hergeirsdóttir, forstöðumaður Skóla- og velferðarþjónustu Árnesþings, ragnheidur@arnesthing.is Umsókn ásamt starfsferilskrá og kynningarbréfi ásamt upplýsingum um meðmælendur berist á netfangið ragnheidur@arnesthing.is  fyrir 31. janúar 2021.   

Laun eru samkvæmt  kjarasamningi Samband íslenskra sveitarfélaga og Félagsráðgjafafélags Íslands. Öllum umsóknum verður svarað þegar ákvörðun um ráðningu liggur fyrir.