Inneign uppfærð á kortum fyrir gámastöð

Búið er að uppfæra punktastöðu inneignarkorta fyrir gámasvæðið á Seyðishólum fyrir árið 2022. Handhafar rafrænu kortanna þurfa ekki að fá nýtt kort fyrir árið.

Inneignin á kortinu árið 2022 er:

• Íbúðarhúsnæði, frístundahúsnæði eða lögbýli fá: 4,5 m³ = 18 punkta
• Íbúðarhús og lögbýli fá: 10 m³ = 40 punkta
• Fyrirtæki fá: 10 m³ = 40 punkta

Kortið inniheldur punkta og er lágmarksnotkun á gámasvæði einn punktur sem samsvarar 0,25 m³. Starfsmaður á gámasvæði metur magn gjaldskylds úrgangs en miðað er við að 0,25 m³ sé ígildi eins svarts ruslapoka. Kortið er hugsað sem framtíðareign korthafa og mun inneignarstaða verða uppfærð hver áramót.

Eftirfarandi skilmálar gilda um kortin:

• Kortin afhendast öllum þeim fasteignaeigendum sem greiða sorpeyðingargjald.
• Sveitastjórn ákveður inneign (magn gjaldskylds úrgangs) hvert ár.
• Inneignir færast ekki milli ára.
• Inneign er uppfærð um áramót ár hvert.
• Glötuð kort skal tilkynna til skrifstofu sveitarfélagsins.
• Finnist kort skal koma því á skrifstofu sveitarfélagsins.
• Eitt kort er gefið út á hvert fasteignanúmer sem greiðir sorpeyðingargjald. Ef fasteign hefur fleiri en einn skráðan eiganda er ekki hægt að fá fleiri kort.
• Hægt er að fá nýtt kort ef kort glatast gegn 5.000 kr. gjaldi.
• Kort skal fylgja fasteign og afhendast nýjum eigendum við eigendaskipti.Vinsamlega athugið að hver fasteignaeigandi verður að nálgast inneignarkort fyrir sína fasteign en viðkomandi þarf að kvitta fyrir móttöku á kortinu og því verður ekki hægt að senda inneignarkortin í bréfpósti til fasteignaeigenda.

Kortin eru afhent á skrifstofu sveitarfélagsins á opnunartíma.

Mánudaga - fimmtudaga: 9:00 - 15:00
Föstudaga : 9:00 - 12:00

Upplýsingar um opnunartíma gámastöðvar má finna hér.

Upplýsingar um sorphirðu í sveitarfélaginu má finna hér.