Nýr starfsmaður: umsjónarmaður aðveitna

Í dag 2. janúar tók til starfa nýr starfsmaður hjá Grímsnes- og Grafningshreppi, hann heitir Ragnar Guðmundsson og var ráðinn úr hópi umsækjenda um starf umsjónarmanns aðveitna. Hann mun sjá um hita- og vatnsveitur sveitarfélagsins. Um er að ræða undirbúning á viðhaldsverkefnum, nýtengingar, umsjón dæluhúsa og vöktunarkerfis þar við. Hann mun einnig hafa eftirlit með framkvæmdum hitaveitna og vatnsveitna auk þess að fylgjast með daglegum rekstri. Við bjóðum Ragnar velkominn til starfa.