Skólanefnd

Fræðslunefnd Grímsnes og Grafningshrepps

starfsárið 2010/2014

 

 4. fundur fræðslunefndar Grímsnes- og Grafningshrepps haldinn í fundarherbergi stjórnsýsluhússins á Borg, þriðjudaginn 22.mars 2011, kl.17:00.

 
Mættir:
Guðný Tómasdóttir, Benedikt Gústavsson, Vigdís Garðarsdóttir, Hilmar Björgvinsson, Pétur Thomsen, Anna Margrét Sigurðardóttir, Margrét Gunnarsdóttir, Birna Guðrún Jónsdóttir, Ingibjörg Harðardóttir.

 
Fundargerðir skólaráðs grunnskólans (lagðar fram til kynningar)
Þrjár síðustu fundargerðir skólaráðs Grunnskóla Ljósaborgar lagðar fyrir fundinn til kynningar.

 
Fundargerðir samráðshóps lagðar fram til kynningar  
Framkvæmdanefnd hefur verið stofnuð og í henni eru: formaður fræðslunefndar, Guðný Tómasdóttir, oddviti sveitarstjórnar, Gunnar Þorgeirsson og fulltrúi minnihluta sveitarstjórnar, Guðmundur Ármann Pétursson. Hópnum er falið að koma með tillögu að nýbyggingu og/eða breytingum á núverandi húsnæði. Þessi hópur mun svo leita ráða og fá álit þeirra aðila sem þeir telja að þurfi.
Nafnasamkeppni Farið yfir þau nöfn sem bárust og afgreiðslu frestað. Ákveðið að auglýsa eftir fleiri tillögum. Sveitastjóra falið að ákveða hvar best er að auglýsa.

 
Áheyrnarfulltrúi í fræðslunefnd Bláskógarbyggðar
Sveitarstjórn hefur samþykkt að óska eftir að formaður fræðslunefndar verði áheyrnarfulltrúi í fræðslunefnd Bláskógarbyggðar.

Fræðslunefnd óskar eftir því að formaður fræðslunefndar tryggi að nemendum úr Grímsnes- og Grafningshreppi sé veitt viðeigandi þjónusta í  Grunnskóla Bláskógarbyggðar í Reykholti. Eins óskar fræðslunefnd eftir góðri samvinnu milli þessara tveggja skóla til að tryggja samfellu í námi nemenda.

Jafnframt óskar fræðslunefnd Grímsnes- og Grafningshrepps eftir því að formaður fræðslunefndar leggi til við skólastjóra Grunnskóla Bláskógarbyggðar í Reykholti að haldin verði kynning að vori  fyrir nýnema úr Grímsnes – og Grafningshreppi og foreldra þeirra á starfsnemi og starfsumhverfi skólans.

 
Stefna skólamötuneytis
Fræðslunefnd fer fram á að sett verði í gang nefnd sem móti leiðbeinandi fæðu- og næringarstefnu í mötuneyti skólans sem og hreinlætisstefnu.

 
Fræðslunefnd leggur til við sveitarstjórn að skipuð verði nefnd sem samanstendur af  fulltrúa fræðslunefndar, fulltrúa foreldra, fulltrúa starfsólks skólans, skólastjóra og matráði til að vinna þessa stefnu.

 

  
Námskeið fyrir skólanefndir
Námskeið fyrir skólanefndir er nú í gangi um allt land. Námskeið er í boði í Árborg 18. april n.k. og eru þau Guðný Tómasdóttir, Vigdís Garðarsdóttir og Birna Guðrún Jónsdóttir búnar að skrá sig.

 
Skólastefna Grímsnes- og Grafningshrepps
Sveitarstjórn hefur vísað því til fræðslunefndar að vinna að stefnumótun skólans. Lögð er fram handbókin „Skólastefna sveitarfélaga - handbók“ sem er leiðarljós um gerð skólastefnu, tekin af vef Sambands íslenskra sveitarfélaga. Allir fundarmenn eru hvattir til að kynna sér hana vel ásamt öðru efni sem hægt er að finna á netinu fyrir næsta fund. Sú hugmynd hefur komið fram að stofna hóp sem mun vinna nánar að skólastefnunni og gott væri að fá punkta frá öllum nefndarmönnum á næsta fundi um það sem þeim finnst skipta máli að komi fram í þessari stefnu.

 
Önnur mál
Fræðslunefnd óskar eftir því við sveitarstjórn að keypt verði hitaborð fyrir mötuneyti skólans.

 

 

 

 

 

Fundi slitið kl. 20:00