Góður stofnfundur félagsins 60+ í Grímsnes- og Grafningshreppi

Stofnfundur félagsins 60+ í Grímsnes- og Grafningshreppi var haldinn þriðjudaginn 18. febrúar síðastliðinn. Á fundinum voru samþykkt lög félagsins og kjörin stjórn. Magnús J. Magnússon, formaður félags eldri borgara á Selfossi, stýrði fundinum og leiddi uppbyggilegar umræður um mikilvægi þess að efla starfsemi félagsins í sveitarfélaginu.

Í stjórn félagsins voru kjörin:

• Sigríður Kolbrún Oddsdóttir - formaður
• Gróa Linddís Dal - ritari
• Valgeir F. Backman - gjaldkeri

Varamenn í stjórn eru:

• Sigrún Reynisdóttir
• Sandra Gunnarsdóttir

Við hlökkum til að sjá félagið vaxa og blómstra og hvetjum alla 60 ára og eldri til að taka þátt í starfsemi félagsins. Félagið er opið öllum sem hafa áhuga á að stuðla að góðri félagsstarfsemi og samveru 60 ára og eldri í sveitarfélaginu.