Sinfóníuhljómsveit Íslands – Tónleikar á Höfn í Hornafirði

Sinfóníuhljómsveit Íslands er það mikið kappsmál að allir landsmenn fái notið tónleika hennar. Stefnumót hennar við áheyrendur víða um landið eru ævinlega skemmtileg og gefandi. Vorið 2024 heimsótti hljómsveitin Stykkishólm og Borgarnes í velheppnaðri tónleikaferð, en nú er ferðinni heitið á Suðurland, á Höfn í Hornafirði, Vík í Mýrdal og Selfoss.

Um tónsprotann heldur Eva Ollikainen, aðalhljómsveitarstjóri Sinfóníuhljómsveitar Íslands og með í för er Jóhann Kristinsson barítónsöngvari, sem er einn af okkar fremstu söngvurum af yngri kynslóðinni. Hann hefur hlotið fjölda verðlauna fyrir söng sinn — til að mynda Íslensku tónlistarverðlaunin 2024 sem söngvari ársins. Jóhann er búsettur í Þýskalandi, kemur reglulega fram í mörgum af helstu tónleikahúsum Evrópu og hefur sungið með mörgum af fremstu sinfóníuhljómsveitum álfunnar. Það er því sérstaklega ánægjulegt að heimsækja Höfn, Vík og Selfoss með glæsilega tónleikadagskrá sem hentar allri fjölskyldunni.

• Efnisskrá

  Giuseppe Verdi: Luisa Miller, forleikur
  Giuseppe Verdi: Di Provenza úr La Traviata
  Atli Heimir Sveinsson: Kvæðið um fuglana
  Sigvaldi Kaldalóns: Ave María
  Richard Wagner: Aría Wolframs úr Tannhäuser
  Gioachino Rossini: Largo al factotum úr Rakaranum í Sevilla
  Ludwig van Beethoven: Sinfónía nr. 5 í c-moll, Örlagasinfónían

• Hljómsveitarstjóri

  Eva Ollikainen

• Einsöngvari

  Jóhann Kristinsson

• Kórar á Hornafirði

  Karlakórinn Jökull
  Kvennakór Hornafjarðar
  Samkór Hornafjarðar
  Gleðigjafar