Skólanefnd

Fræðslunefnd Grímsnes og Grafningshrepps

starfsárið 2010/2014

 

5. fundur fræðslunefndar Grímsnes- og Grafningshrepps haldinn í fundarherbergi stjórnsýsluhússins á Borg, mánudaginn 11.apríl 2011, kl.16:30.

 
Mættir:
Guðný Tómasdóttir, Benedikt Gústavsson, Vigdís Garðarsdóttir, Hilmar Björgvinsson, Anna Margrét Sigurðardóttir, Margrét Gunnarsdóttir, Birna Guðrún Jónsdóttir, Ingibjörg Harðardóttir.

 
Nafnasamkeppni
Nafnið Kerhólsskóli varð fyrir valinu og verður nafnið kynnt formlega á árshátíð skólans miðvikudaginn 13. apríl. Í verðlaun verður: Bókin Grímsnes - Búendur og saga, blómvöndur og páskaegg.

 
Vinnuhópur um stefnu skólamötuneytis
Fræðslunefnd hefur verið falið að skipa nefnd sem tekur að sér að móta stefnu skólamötuneytis. Fulltrúi fræðslunefndar, Benedikt Gústavsson, mun leiða nefndina. Aðrir nefndarmenn eru fulltrúi foreldra, fulltrúi starfsfólks skólans, skólastjóri og matráður. Fulltrúum foreldra og starfsmanna í fræðslunefnd er falið að velja sína fulltrúa í nefndina. Benedikt mun boða til fyrsta fundar.

 
Skólastjóri kynnir úttekt á mötuneyti skólans sem unnin var af Næringarsetrinu í desember 2010 að beiðni matráðs.

 
Skóladagatal leik- og grunnskólans 2011 – 2012
Skólastjóri leggur fyrir skóladagatal 2011 – 2012. Dagatalið er samþykkt eftir umræður.

 
Skólastjóri leggur til að formaður fræðslunefndar óski eftir því að fyrstu drög skóladagatals sameinaðs leik- og grunnskóla á Borg og Grunnskóla Bláskógarbyggðar verði unnin í sameiningu.

 
Fræðslunefnd leggur til að skóladagar skólaársins 2011-2012 verði 179 þannig að hægt verði að hafa skólaslit föstudaginn 1. júni í stað mánudagsins 4. júní.

 
Kennslustundakvóti grunnskólans 2011 -2012
Skólastjóri kynnir útreikning kennslukvóta og það starfshlutfall sem þarf fyrir næsta skólaár.

 
Starfsmannamál skólans
Skólastjóri gerir grein fyrir því að Sigmar Ólafsson sé að hætta sem kennari í hlutastarfi við grunnskólann og Ingveldur Eiríksdóttir sé að fara í námsleyfi. Árni Sverrir Bjarnason hefur verið ráðinn í hennar starf á meðan. Einnig mun Sigurborg Jóna Björnsdóttir starfsmaður við leikskólann láta af störfum vorið 2011.  

 
Skólastjóra er falið að kanna fjölda barna í Kátuborg fyrir skólaárið 2011-2012 og auglýsa stöðugildi í samræmi við það.

 
Kynning á sumarlokun leikskólans
Leikskólinn verður lokaður í 6 vikur í sumar frá og með 4. júlí til og með 15.ágúst.

 
Staða í framkvæmdarhópnum
Guðný fer yfir þær hugmyndir sem fram hafa komið í framkvæmdarhópnum.

 
Skólastefna Grímsnes- og Grafningshrepps - næstu skref
Guðný segir frá skólaþingi sem haldið var í Bláskógarbyggð þar sem ræddar voru hugmyndir í sambandi við skólastefnu Bláskógarbyggðar. Ræddar voru hugmyndir um vinnu við gerð nýrrar skólastefnu fyrir Grímsnes- og Grafningshrepp.

 
Önnur mál     
-Fræðslunefnd tekur ákvörðun um að taka 12 mánaða börn inn í skólann frá og
með næsta hausti ef húsrými leyfir. 
-Fulltrúar foreldra í fræðslunefnd segja frá fyrirlestri sem foreldrafélag skólans mun standa fyrir. Beiðni um styrk verður send til sveitarstjórnar.

Fundi slitið kl. 19.50