Skólanefnd

1.      Fundargerð umhverfisnefndar.

Farið var yfir fundargerð frá fundi umherfisnefndar Kerhólsskóla og hún samþykkt.

 2.      Fundargerð skólaráðsfundar.

Farið var yfir fundargerð skólaráðs og hún samþykkt.

 3.      Kennsluskipulag og mannauður fyrir skólaárið 2019-2020.

Farið yfir kennsluskipulag næsta skólaárs og skiptingu árganga. Búið er að fullmanna kennarastöður eins og staðan er núna. Í leikskólanum er staðan mjög góð en enn þá á eftir að ganga frá ráðningu stuðningsfulltrúa í grunnskóladeild.

 4.      Framkvæmdir á skólalóð og húsnæði yfir sumartímann.

Skólastjóri kynnti lista sem tekin hefur verið saman yfir þau atriði sem þarf að gera á lóð og í húsnæði skólans nú í sumar. Fræðslunefnd leggur til að farið verði í að skipta út rennibraut á leikskóla lóð sem fyrst vegna öryggis þar sem sú gamla er úr sér gengin og að keyptur verði lítill kastali frá krumma sem heitir loki902.

Fataklefar í leikskóla verði endurnýjaðir og þeir gömlu nýttir fyrir yngstastig í grunnskóla.

Einnig var rætt um gúmmí á gervigrasvellinum og fræðslunefnd leggur til að það verði endurnýjað 2020 og þá reynt að finna eitthvað sem litar ekki .

Fræðslunefnd tekur undir allar þær endurbætur sem koma fram á lista frá stjórnendum og leggur til að þær verði allar framkvæmdar, flestar þeirra eru ekki kostnaðarsamar.

   5.      Könnun á líðan nemenda í grunnskóladeild.

Farið yfir niðurstöður könnunar, hún kom vel út.

 6.  Aðgerðir ríkisins vegna nýliðunnar í kennarastétt.

Lagt fram til kynningar.

 7.  Skólastefna.

Ákveðið að fresta vinnu við skólastefnuna þangað til í haust.

 8.      Önnur mál.

a)      Rædd þátttaka leikskólabarna á skólaslitum.

b)      Næsti fundur fræðslunefndar ákveðinn 3 sept. 2019 kl 8:15.