Skólanefnd

1. Fjárhagsáætlun fyrir 2025
Vinna er í gangi í skólanum við undirbúning fjárhagsáætlunar fyrir árið 2025. Fundir verða haldnir á næstu dögum og drög að fjárhagsáætlun lög fyrir næsta fund Skólanefndar.
2. Skólaþing
Að ósk Kerhólsskóla verður skólaþingið fært til 27. febrúar 2025.
3. Eineltisáætlun
Eineltisáætlun skólans var rædd. Þar er ýmislegt sem þarf að uppfæra í texta og laga. Einnig vantar inn allt um rafrænt einelti.
Uppfærð áætlun verður kynnt á næsta Skólanefndarfundi.
Búið er að uppfæra neyðaráætlun skólans og verður hún einnig kynnt á næsta fundi.
4. Jafnréttisáætlun
Jafnréttisáætlun skólans var skoðuð. Þar er ýmislegt sem þarf að bæta og uppfæra að nýlegri jafnréttisáætlun sveitarfélagsins. Uppfærð jafnréttisáætlun verður kynnt fljótlega.
5. Menntaþing
Skólastjóri fór yfir helstu atriði af menntaþingi. Þar kom ýmislegt upplýsandi fram. Nefndin ætlar að kynna sér fyrirlestranan á þinginu, en upptaka af þeim er aðgengileg á netinu.
6. Dagsetning næsta fundar
Næsti fundur verður fluttur aftur um eina viku. Hann verður haldinn 12. nóvember klukkan 14:15.
7. Önnur mál:
• Nýtt merki skólans Mikil og góð vinna hefur farið fram í skólanum við hönnun og val á nýju merki skólans. Allir nemendur og starfólk skólans hafa komið að þeirri vinnu. Elín María Halldórsdóttir hönnuður tók svo við keflinu og kom með tillögu að nýju merki skólans. Skólanefnd samþykkir samhljóða tillöguna að nýju merki Kerhólsskóla og sendir til sveitarstjórnar til afgreiðslu. Sjá viðhengi.

Ekki fleira tekið fyrir og fundi slitið kl. 15:15