Sveitarstjórn

 1.   Fundargerð sveitarstjórnar Grímsnes- og Grafningshrepps frá 22. september 2010.  
Fundargerð sveitarstjórnar Grímsnes- og Grafningshrepps frá 22. september 2010 lá frammi á fundinum.

2.     Fundargerðir.

27. fundur skipulags- og byggingafulltrúaembættis uppsveita Árnessýslu og Flóahrepps, 23.09.2010.

Mál nr. 2, 9, 10, 21, 22, 23, 24, 25, 26, 27, 28, 29, 30 og 31 þarfnast staðfestingar sveitarstjórnar.
Fundargerðin lögð fram.  Farið yfir mál nr.  2, 9, 10, 21, 22, 23, 24, 25, 26, 27, 28, 29, 30 og 31, þau rædd og staðfest af sveitarstjórn.

3.   Minnispunktar frá Heilbrigðiseftirliti Suðurlands vegna seyrulosunar.
Fyrir liggja minnispunktar frá Birgi Þórðarsyni í Heilbrigðiseftirliti Suðurlands vegna beiðni Grímsnes- og Grafningshrepps til skoðunar á dvalarstæðum bifreiða og tækja Holræsa- og stífluþjónustu Suðurlands. Farið var á þrjá staði þar sem kvartanir höfðu borist sveitarfélaginu vegna hreinsibílanna, sem höfðu staðið á viðkomandi stöðum yfir nótt eða í nokkra daga meðan vinnu fyrirtækisins stóð á svæðinu. Ekki þótti þörf á að taka sýni þar sem ljóst var að á þessum stöðum að gróður væri það gróskumikill að gæti bent til losunar á áburðarmiklum efnum eins og grá- eða siturvatni. Heilbrigðiseftirlit Suðurlands hefur haft samband við Holræsa- og stífluþjónustu Suðurlands vegna málsins og fengið skýringar. Búið er að vinna að umbótum svo ekki er talin þörf á frekari aðgerðum að hálfu sveitarfélagsins.

4.   Erindi frá Bergmáli, liknar- og vinafélagi um að álagningarprósenta fasteignaskatts verði lækkuð.
Fyrir liggur beiðni Bergmáls, líknar- og vinafélags um að lækka álagningarprósentu fasteignaskatts á húsi félagsins að Sólheimum þar sem tilgangur starfseminnar er að hlúa að sjúkum en ekki resktur í hagnaðarskyni. Sveitarstjórn samþykkir að fara yfir skráningar eigna almennt við álagningu fasteignagjalda 2011. Sveitarstjóra falið að taka saman lista um fasteignir sem fallið gætu undir endurskoðun á álagningar prósentu.

5.   Beiðni um styrk frá Styrktarsjóði Sólheima.
Fyrir liggur beiðni Styrktarsjóðs Sólheima um styrk vegna endurbyggingar gróðurhúss sem hrundi undan snjóþunga árið 2008. Sveitarstjórn samþykkir að veita styrk upp á kr. 25.000.

Guðmundur Ármann vék af fundi.

6.   Fjármálaráðstefna sveitarfélaganna.
Kynnt er að fjármálaráðstefna sveitarfélaganna verður haldinn á Hilton Hótel Nordica í Reykjavík 14. og 15. október n.k. Samþykkt er að allir aðalmenn í sveitarstjórn eigi kost á að fara á ráðstefnuna.

7.   Stofnun félagsmiðstöðvar.
Fyrir liggur beiðni frá Félagsmiðstöðvarnefnd Ljósuborgar um að sveitarfélagið stofni félagsmiðstöð með aðsetur í Félagheimilinu. Nefndin kemur til með að sjá um stofnun félagsmiðstöðvarinnnar og óskar eftir fjárstyrk vegna þess, kr. 100.000. Sveitarstjórn samþykkir að styrkja verkefnið. Varaoddvita falið að vera fjárhaldsmaður og hafa umsjón með verkefninu.

 Til kynningar
SASS.  Fundargerð  437. stjórnarfundar 22.09 2010.
SASS.  Fundargerð  41. aðalfundar 13. og 14. september 2010.
Sorpstöð Suðurlands.  Fundargerð  193. stjórnarfundar 13.09 2010.
Atvinnuþrónuarfélag Suðurlands.  Fundargerð  30. aðalfundar 13.09 2010.
Sveitarstjórnarmál 6. tbl 2010.   -liggur frammi á fundinum-
Orkan. Fréttabréf Orkuveitu Reykjavíkur 3. tbl. október 2010.
Tónlistarskóli Árnesinga.  Fundargerð 153. fundar skólanefndar, 10.09.2010.
Samband íslenskra sveitarfélaga.  Fundargerð 766. stjórnarfundar, 26.08.2010.
Bréf frá Samgöngu- og sveitarstjórnarráðuneyti um upplýsingaöflun fyrir framlög úr jöfnunarsjóði til nýbúafræðslu.
Bréf frá Samgöngu- og sveitarstjórnarráðuneyti um almenn jöfnunarframlög til reksturs grunnskóla 2011.
Bréf frá Samgöngu- og sveitarstjórnarráðuneyti um framlög úr jöfnunarsjóði vegna fatlaðra nemenda 2011.
Bréf frá Samgöngu- og sveitarstjórnarráðuneyti um framlög úr jöfnunarsjóði vegna skólaaksturs  í dreifbýli 2011.

Ekki fleira tekið fyrir og fundið slitið kl. 10:00