Sveitarstjórn

481. fundur 22. apríl 2020 kl. 09:00 - 11:10 Stjórnsýsluhúsinu Borg

Sveitarstjórn

Ása Valdís Árnadóttir í fjarfundarbúnaði
Björn Kristinn Pálmarsson
Smári Bergmann Kolbeinsson í fjarfundarbúnaði
Ingibjörg Harðardóttir í fjarfundarbúnaði
Bjarni Þorkelsson í fjarfundarbúnaði

Fundargerðin var færð í tölvu og hana ritaði Ingibjörg Harðardóttir

1. Heitavatnsöflun.

Á fundinn kom Ragnar Guðmundsson, umsjónarmaður aðveitna hjá Grímsnes- og Grafningshreppi og fór yfir stöðu mála og ræddi helstu leiðir sem hægt er að fara í varðandi heitavatnsöflun fyrir sveitarfélagið. Ljóst er að núverandi hitaveituhola í Vaðnesi annar ekki hámarksálagi Borgarveitu og þar af leiðandi er ekki til nægjanlegt vatn til að tryggja áframhaldandi uppbyggingu Borgarveitu í Grímsnes- og Grafningshreppi. Sveitarstjórn samþykkir samhljóða að fela Ragnari og formanni veitunefndar, Smára Bergmann Kolbeinssyni að vinna að frekari vatnsöflun fyrir sveitarfélagið. Jafnframt samþykkir sveitarstjórn að eingöngu verði samþykktar nýjar íbúðarhúsatengingar við Borgarveitu þar til frekari vatnsöflun hefur verið tryggð.

2. Fundargerðir.

a) Fundargerð 193. fundar Skipulagsnefndar Uppsveita, 8. apríl 2020.

Mál nr. 26, 27, 28, 29, 30, 31, 38, 39 og 40 þarfnast staðfestingar sveitarstjórnar.

Lögð fram 193. fundargerð Skipulagsnefndar Uppsveita, dagsett 8. apríl 2020. Eftirfarandi dagskrárliðir þarfnast afgreiðslu sveitarstjórnar;

Mál nr. 26: 1910063 - Vaðlækjarvegur 8 L169070 (Miðengi L168261); Stækkun lóðar og tilfærsla slóða; Deiliskipulagsbreyting.

Lagt fram að lokinni kynningu á lýsingu fyrir deiliskipulagsbreytingu. Deiliskipulagsbreytingin felst í tilfærslu spildu sem á er götuslóði sem liggur á milli lóða 6 og 10 við Vaðlækjarveg upp að lóð 8. Spildan sem um ræðir er hluti af landareign Miðengis, L168261, en bætist við lóðina Vaðlækjarveg 8 sem stækkar úr núverandi skráningu 7.700 m² í 8.352 m². Með stækkuninni er tryggt aðgengi að lóðinni til framtíðar. Ekki eru gerðar tillögur að öðrum breytingu frá gildandi deiliskipulagi. Lýsing fyrir deiliskipulagsbreytingu var auglýst/kynnt 27. nóvember 2019 og var athugasemdafrestur til 18. desember 2019. Athugasemdir bárust frá Hauki Þór Haraldssyni, Kolbeini Gíslasyni og Katrínu Haraldsdóttur.

Sveitarstjórn telur að athugsemdir séu það alvarlegar að fresta beri frekari afgreiðslu málsins, þar til fyrir liggur sátt um afmörkun lóða og göngustíga á svæðinu nærri Vaðlækjarvegi lóð 8.

Mál nr. 27: 1910010 - Tjarnarhólar; Útivistar og göngusvæði; Deiliskipulag.

Fyrir liggur að lokinni kynningu á lýsingu fyrir deiliskipulag í Tjarnarhólum. Í fyrirhuguðu deiliskipulagi sem tekur til um 35ha svæðis, er gert ráð fyrir uppbyggingu svæðisins í þágu ferðamanna með gerð bílastæða, göngustíga, gerð upplýsingaskilta og byggingu tveggja þjónustuhúsa. Aðkoma að svæðinu er um núverandi gatnamót Vaðness og Snæfoksstaða frá Biskupstungnabraut. Lýsing á verkefninu/deiliskipulagi var auglýst/kynnt 27. nóvember 2019 og var athugasemdafrestur til 18. desember 2019. Athugasemdir bárust frá Kerfélaginu ehf. og ábending frá Valborgu Snævarr. Þá lágu fyrir umsagnir frá Skipulagsstofnun, Heilbrigðiseftirliti Suðurlands, Minjastofnun Íslands, Vegagerðinni og Umhverfisstofnun.

Sveitarstjórn tekur ekki tillit til þeirra ágreiningsefna sem fram koma í athugasemdum Kerfélagsins ehf., þar sem eðli þeirra sé þannig að um sé að ræða einkaréttarlegan ágreining um landamerki sem aðilar verða að leysa sín á milli. Að öðru leyti verði tekið tillit til ábendinga frá umsagnaraðilum og að deiliskipulagstillaga verði kynnt í samræmi við 4. mgr. 40.gr. skipulagslaga nr. 123/2010.

Mál nr. 28: 2001029 - Vaðstígur 1 L227910, 3 L227911 og 5 L227912; Breyting úr frístundabyggð í íbúðabyggð; Deiliskipulagsbreyting.

Fyrir liggur umsókn Ingibjargar G. Geirsdóttur, dags. 13. janúar 2020 um breytingu á þrem lóðum á jörðinni Kringlu II í Grímsnes- og Grafningshreppi, nánar Vaðstígur 1, 3 og 5. Óskað er eftir að lóðirnar breytast úr frístundabyggð í íbúðabyggð. Stærðir lóðanna eru óbreyttar en lega þeirra sem og byggingareitir breytast vegna nákvæmari mælinga. Gert er ráð fyrir að íbúðarhúsin geti vera allt að 350 m² og auk þess verði heimilt að reisa allt að 60 m² aukahús á lóð.

Sveitarstjórn samþykkir samhljóða fyrirliggjandi breytingu í samræmi við 41. gr. skipulagslaga nr. 123/2010. Breyting deiliskipulagsins verður auglýst samhliða gildistöku nýs aðalskipulags Grímsnes- og Grafningshrepps sem nú er í vinnslu.

Mál nr. 29: 2002029 - Nesjavellir L209139; Stækkun á byggingarreit B1 og nýr byggingarreitur B2; Deiliskipulags.

Fyrir liggur umsókn Falk Krueger, dags. 4. febrúar 2020 f.h. Hengils Fasteigna ehf. vegna tillögu að breytingu á deiliskipulagi hótellóðar á Nesjavöllum L209139. Tillagan nær utan um stækkun á núverandi byggingarreit B-1 og nýjum byggingarreit B-2. Á reit B-2 er áætlað að koma fyrir útigeymslu á einni hæð.

Sveitarstjórn samþykkir samhljóða umsóknina sem óverulega breytingu á gildandi deiliskipulagi skv. 2. mgr. 43. gr. skipulagslaga nr. 123/2010. Ekki er talin þörf á grenndarkynningu þar sem landeigandi hefur þegar gefið samþykki fyrir fyrirhugðum bílastæðum og breytingin ekki talin hafa áhrif á einstaka aðila eða aðra hagsmunaaðila á svæðinu. Skipulagsfulltrúa er falið að auglýsa niðurstöðu sveitarstjórnar skv. 2. mgr. 36. gr. skipulagslaga.

Mál nr. 30: 2003029 - Borg í Grímsnesi; Miðsvæði og útivistarsvæði; Deiliskipulag.

Fyrir liggur umsókn Landforms f.h. Grímsnes- og Grafningshrepps er varðar skipulagslýsingu deiliskipulags fyrir miðsvæði og útvistarsvæði að Borg í Grímsnes- og Grafningshreppi. Í skipulaginu felst skilgreining tveggja reita innan þéttbýlismarka Borgar, annarsvegar 3 ha miðsvæði meðfram Biskupstungnabraut og hinsvegar 18 ha útivistarsvæði norðar byggðarinnar.

Sveitarstjórn samþykkir samhljóða framlagða skipulagslýsingu til kynningar og að leitað verði umsagnar hjá viðeigandi umsagnaraðilum í samræmi við 40. gr. skipulagslaga nr. 123/2010 og lið 1.9 innan skipulagslýsingar.

Mál nr. 31: 2004003 - Sogsvegur 6 L186004; Norðurkot;Staðfesting á afmörkun lóðar.

Fyrir liggur umsókn Guðjóns P. Stefánssonar, dags. 3. mars 2020 um staðfestingu á afmörkun lóðarinnar Sogsvegur 6 L186004 í landi Norðurkots. Lóðin er skráð 31.200 m² í Þjóðskrá og skv. hnitsettu lóðablaði er hún 31.250 m². Fyrir liggur samþykki eigenda aðliggjandi lóða á hnitsetningu lóðarmarka.

Sveitarstjórn gerir ekki athugasemdir við afmörkun lóðarinnar skv. fyrirliggjandi umsókn. Ekki eru gerðar athugasemdir við staðfestingu landskipta skv. 13. jarðalaga.

Mál nr. 38: 2002004F – Afgreiðslur byggingarfulltrúa – 20 – 116.

Lagðar fram til kynningar afgreiðslur byggingarfulltrúa frá 4. mars 2020.

Mál nr. 39: 2003001F – Afgreiðslur byggingarfulltrúa – 20 – 117.

Lagðar fram til kynningar afgreiðslur byggingarfulltrúa frá 18. mars 2020.

Mál nr. 40: 2003002F – Afgreiðslur byggingarfulltrúa – 20 – 118.

Lagðar fram til kynningar afgreiðslur byggingarfulltrúa frá 1. apríl 2020.

b) Fundargerð 76. fundar stjórnar Umhverfis- og tæknisviðs Uppsveita bs., 1. apríl 2020.