Sveitarstjórn

 

Oddviti leitar afbrigða.
a)     Erindi frá Hilmari Björgvinssyni skólastjóra Kerhólsskóla.
b)     Beiðni frá Sýslumanninum á Selfossi um umsögn vegna endurnýjunar á rekstrarleyfi til reksturs veitingastaðar í flokki II í Kaffihúsi Öndverðarness, Golfskálanum í Öndverðarnesi.
c)     Fundargerð 6. fundar samgöngunefndar Grímsnes- og Grafningshrepps, 18. júní 2013.

 

 
1.   Kynning á samruna Sorpstöðvar Suðurlands við Sorpu. 
Á fundinn mætti Guðmundur Tryggvi Ólafsson framkvæmdarstjóri Sorpstöðvar Suðurlands og fór yfir samruna Sorpstöðvar Suðurlands við Sorpu bs.

 
2.   Fundargerðir.

a)     Fundargerð 7. fundar atvinnumálanefndar Grímsnes- og Grafningshrepps, 23. maí 2013.
Fundargerðin lögð fram og hún staðfest.

 
b)    Fundargerð 26. fundar fræðslunefndar Grímsnes- og Grafningshrepps, 6. júní 2013.
Fundargerðin lögð fram og hún staðfest.

 
3.   Forkaupsréttur á hlutafé í Háskólafélagi Suðurlands.
Fyrir liggur tölvupóstur frá Sigurði Sigursveinssyni f.h. Háskólafélags Suðurlands, dagsettur 6. júní  2013 þar sem óskað er eftir að sveitarfélagið falli frá forkaupsrétti sínum í félaginu. Á síðasta aðalfundi Háskólafélags Suðurlands voru samþykktar breytingar á samþykktum félagsins þar sem hlutafé félagsins var aukið um tæpar 6,3 mkr. en gert er ráð fyrir að Sveitarfélagið Hornafjörður leggi það hlutafé inn í félagið. Að auki liggur frammi ársreikningur Háskólafélags Suðurlands ársins 2012. Sveitarstjórn samþykkir að falla frá forkaupsrétti sínum.

 

 
4.   Beiðni um styrk frá Fjölskylduhjálp Íslands.
Fyrir liggur beiðni frá Fjölskylduhjálp Íslands um styrk til kaupa á matvælum. Sveitarstjórn hafnar erindinu.

 
5.   Fundargerð sveitarstjórnar Grímsnes- og Grafningshrepps frá 5. júní 2013.
Fundargerð sveitarstjórnar Grímsnes- og Grafningshrepps frá 5. júní 2013 liggur frammi á fundinum.

 
6.   Golfvöllurinn að Minni-Borg.
Sveitarstjórn staðfestir fyrirliggjandi gagntilboð sem gildir til 15. júlí n.k. á grundvelli tilboðs sem tekið var fyrir á fundi sveitarstjórnar þann 5. júní s.l.

 
7.       Samþykkt um stjórn og fundarsköp Grímsnes- og Grafningshrepps.
Lögð fram samþykkt um stjórn og fundarsköp Grímsnes – og Grafningshrepps til seinni umræðu. Sveitarstjórn samþykkir fyrirliggjandi samþykkt.

 
8.   Beiðni stjórnar Samtaka orkusveitarfélaga um umsögn á stefnumörkun stjórnar.
Fyrir liggur beiðni stjórnar Samtaka orkusveitarfélaga um umsögn á stefnumörkun stjórnar. Sveitarstjórn gerir ekki athugasemdir við stefnumörkunina.

 
9.   Úthlutun vegstyrkja til frístundabyggða.
Samkvæmt reglum sveitarfélagsins um vegbætur í frístundabyggð voru teknar fyrir umsóknir félaga frístundabyggða og sumarhúsaeiganda þar sem óskað er eftir styrk til vegabóta.  16 umsóknir bárust og var leitað umsagnar samgöngunefndar. Höfð var hliðsjón af úthlutun síðustu ára, hversu nýlegir vegirnir eru, hversu löng heildarvegalengd hvers hverfis er og fjölda lóða og hús í hverfinu.  Samþykkt er að eftirtaldir aðilar fái styrki til vegabóta árið 2013, samtals að fjárhæð kr. 1.200.000.

 
      Félag sumarbústaðaeigenda í Bjarkarborgum                                                  kr. 100.000

      Sumarhúsafélagið Víðihlíð                                                                                 kr. 100.000          

      Félag landeigenda í Vaðnesi                                                                              kr. 125.000          

Félag sumarhúsabyggðar við Ásabraut                                                             kr.   25.000

Félag sumarbústaðaeigenda við 5. braut                                                                      kr.   25.000

Landeigendur Nesi v/Apavatn                                                                           kr.   25.000

Félag landeigenda við Mosabraut og Hrauntröð í Vaðnesi                              kr.   50.000            

Félag sumarhúsaeigenda í Kerengi                                                                   kr. 100.000          

Félag sumarbústaðaeigenda í Oddsholti                                                           kr. 125.000          

Sumarhúsafélagið Hestvík                                                                                 kr.   75.000

Öndverðanes ehf                                                                                                kr. 225.000          

 

 
Félag lóðareigenda í Miðborgum                                                                                  kr.   50.000    

Félag lóðareigenda í Farengi og            Félag lóðareigenda í Miðborgum                 kr. 100.000

Félag frístundahúsalóðaeigenda Hæðarbrúna í Grímsnesi                              kr.   25.000

Lækjarbakki, félag sumarhúsaeigenda við Lækjarbakka                                               kr.   25.000

Heiðartjörn, félag í frístundabyggð                                                                   kr.   25.000

 
10.    Sumarlokun á skrifstofu Grímsnes- og Grafningshrepps.
Sveitarstjórn samþykkir að skrifstofa Grímsnes- og Grafningshrepps verði lokuð vegna sumarleyfa starfsmanna frá 29. júlí til og með 9. ágúst 2013.

 
11.    Sumarleyfi sveitarstjórnar og næstu fundir hennar.
Samþykkt að sveitarstjórn verði í sumarleyfi seinni fund í júlí og fyrri fund í ágúst. Fyrsti fundur eftir sumarleyfi er því 21. ágúst 2013.

 
12.    Önnur mál.

a)     Erindi frá Hilmari Björgvinssyni.
Fyrir liggur uppsagnarbréf frá Hilmari Björgvinssyni skólastjóra Kerhólsskóla, dagsett 18. júní 2013 þar hann óskar eftir lausn frá störfum frá og með 31. júlí n.k. Sveitarstjórn þakkar Hilmari fyrir gott samstarf og óskar honum velfarnaðar í nýju starfi. Sveitarstjóra falið að auglýsa stöðuna.

 
b)    Beiðni frá Sýslumanninum á Selfossi um umsögn vegna endurnýjunar á rekstrarleyfi til reksturs veitingastaðar í flokki II í Golfskálanum í Kiðjabergi.
Fyrir liggur beiðni frá Sýslumanninum á Selfossi um umsögn vegna endurnýjunar á rekstrarleyfi til reksturs veitingastaðar í flokki II í Kaffihúsi Öndverðarness, Golfskálanum í Öndverðarnesi. Sveitarstjórn gerir ekki athugasemdir við að leyfið verði veitt en óskar jafnframt eftir afriti af rekstarleyfi þegar það er gefið út.

 
c)     Fundargerð 6. fundar samgöngunefndar Grímsnes- og Grafningshrepps, 18. júní 2013.
Fundargerðin lögð fram og hún staðfest.

 

 
Til kynningar
Skólaskrifstofa Suðurlands. Fundargerð 149. stjórnarfundar 03.06 2013.
Sorpstöð Suðurlands.  Fundargerð  226. stjórnarfundar 21.05 2013.
Samband íslenskra sveitarfélaga.  Fundargerð 806. stjórnarfundar, 31.05 2013.
Samband orkusveitarfélaga. Fundargerð 11. stjórnarfundar, 16.05 2013.
Samband orkusveitarfélaga. Fundargerð 12. stjórnarfundar, 24.05 2013.
Samband orkusveitarfélaga. Fundargerð 13. stjórnarfundar, 05.06 2013.
Bréf frá Samtökum sunnlenskra sveitarfélaga, dagsett 11. júní 2013 um styrki til atvinnulífs og stefnu í atvinnumálum.
Bréf frá Sambandi íslenskra sveitarfélaga, dagsett 6. júní 2013 þar sem kynnt er námsferð til Skotlands dagana 3. – 5. september n.k.
Kvenfélag Grímsneshrepps, ársreikningur 2012.
Ungt fólk og lýðræði, lokaskýrsla.
Byggðasafn Árnesinga, ársskýrsla 2012.
-liggur frammi á fundinum-.
Neistinn, fréttabréf Styrktarfélags hjartveikra barna 1. tbl 10. árg 2013.
-liggur frammi á fundinum-.
SÍBS blaðið 2. tbl 29. árg 2013.
-liggur frammi á fundinum-.
Samtök um kvennaathvarf, ársskýrsla 2011.
-liggur frammi á fundinum-.
 

 

Ekki fleira tekið fyrir og fundi slitið kl. 11:00