Auglýst eftir áhugasömum aðilum vegna lagningar ljósleiðara á Sólheimum í Grímsnes- og Grafningshreppi

Grímsnes- og Grafningshreppur auglýsir eftir aðilum sem hafa áhuga á að koma á ljósleiðaratengingu fyrir heimili og fyrirtæki á Sólheimum í Grímsnes- og Grafningshreppi á árunum 2024-2026 eða hafa áhuga á að tengja þau 47 staðföng á Sólheimum sem Fjarskiptasjóður metur styrkhæf skv. skilmálum sjóðsins frá 2. júlí 2024 gegn því að þiggja þann styrk sem Fjarskiptasjóður býður.

Þau fjarskiptafyrirtæki sem hafa staðfest áform um slíkt eða áhuga á að tengja viðkomandi staðföng skv. ofangreindum forsendum eru beðin um að senda upplýsingar þar um á netfangið gogg@gogg.is fyrir 20. ágúst 2024.

Grímsnes- og Grafningshreppur