Fyrsta skóflustunga að nýju athafnasvæði við Sólheimaveg

Iða Marsibil Jónsdóttir sveitarstjóri tók í dag fyrstu skóflustungu á nýju athafnasvæði við Sólheimaveg.

Deiliskipulag svæðisins tók gildi á vormánuðum og var verkið boðið út í kjölfarið og átti Suðurtak lægsta tilboð.

Svæðið í heild sinni telur 52 lóðir á um 23 hektara svæði en í fyrsta áfanga er gert ráð fyrir 11 lóðum.

Borið hefur á aukinni eftirspurn eftir athafnalóðum sem henta stærri sem smærri fyrirtækjum og verktökum og er markmið verksins að styrkja atvinnulíf og byggðaþróun í sveitarfélaginu.

Verklok eru áætluð í nóvember 2023 og er stefnt er á úthlutun lóða í október.